مّأُوِدِيِ أًلًنًأٌسَ تَدُرِيً وًشَ يٌبّگيْنِيً ~

مّأُوِدِيِ أًلًنًأٌسَ تَدُرِيً وًشَ يٌبّگيْنِيً ~
**

من عز نومي صحيت وشفت في عيني
دمع تهآدى على جفني وأنا غافي

**
سترت دمعي بگمي قبل يغريني
وأخذت هذا الجسد من باقي لحافي

**
وسريت تايه ورى خطوات رجليني
لا الوجه وجهي ولا أوصافي هي أوصافي



**
أمشي وأقول لطريقي لاتوديني
لعيون ناس تبي تدري عن الخافي

**
أمانتگ .. خلها مابينگ وبيني
خابرگ يالدرب خوة عمر وسنافي

**

ماودي الناس تدري وش يبگيني
گرامة النفس ورث أبوي وأسلافي

**
أمشي وأحس الخناجر في شراييني
والبرد يمشي وراي وينهش أطرافي


**
وحيد والليل بردونه يغطيني
تقول گن البلد روح بها السافي
**

إلين ماأوحيت لي صوت يناديني
صوت أعرفه مثل ما أجهل وش خلافي

**
قمت أتلفت وأنادي ... لاتخليني
ماغيره الصوت .. هذا صوته الدافي




**
ولمحت زوله من أقصى الدرب لافيني
مدري وش أقول لگن حي ها اللافي

**
تعال .. شف غيبتگ گيف أثرت فيني
تعال .. شفني وأنا أغرق عقب مجدافي

**
تعال.. خذني ورحبي من عناويني
تعبت أعدي على جمرگ وأنا حافي



**

تعال وإقطف بصوتگ زهرة سنيني
گل المواعيد عقبگ شمعها طافي
**

تعال وإزرع خصل شعرگ بگفيني
بضمها لين أحس بليلگ الظافي

**
تعال وش فيگ خايف ؟ أنت ناسيني ؟
قطعت صوتي عليگ وطال ميقافي



**

حتى بديت أشعر إن الحب معميني
وإن أنت حلم عثى فيني وأنا غافي
**

لگن أمانه ترى اللي فيني گافيني
إن رحت منگ كذا مارحت متعافي
**

بصّدق الحلم وأحذر لا تصحيني
في خاطري گلمتين وإن قلتها گافي


**
أمانة الله عليگ إن غبت عن عيني
:: مّأُوِدِيِ أًلًنًأٌسَ تَدُرِيً وًشَ يٌبّگيْنِيً ~ ::
لا يگون قلبگ مثل قلب الزمن جافي


**
مع گل دمعه تذگر رعشة يديني
ومع گل ضحگه تذگر قلبي الوافي
::مّأُوِدِيِ أًلًنًأٌسَ تَدُرِيً وًشَ يٌبّگيْنِيً ~ ::

ممــآ رآق لي